الإثنين 16 نوفمبر 2026 04:51 صـ 5 جمادى آخر 1448 هـ
الميدان نيوز
×

«جانب»: طاقية الشعراوي وشكل ”صلاح” لا يصنعان عالِمًا ولا مشهورًا

الخميس 19 مايو 2022 10:34 صـ 17 شوال 1443 هـ
«جانب»: طاقية الشعراوي وشكل ”صلاح” لا يصنعان عالِمًا ولا مشهورًا


قال الدكتور علاء جانب، أستاذ الأدب والنقد بجامعة الأزهر، والحاصل على المركز الأول في مسابقة أمير الشعراء الإماراتية، إن تقليد الشباب للعلماء والمشاهير والناجحين يجعلهم نسخة مكررة لا إبداع فيها.





حيث نشر على صفحته الشخصية بموقع التواصل الاجتماعي فيس بوك قائلًا: "الطاقية اللي شبه طاقية الشيخ الشعراوي مش ح تعملك شعراوي… الحدوتة في الدماغ اللي تحت الطاقية، وتقليد طريقته في الكلام مش ح يخليك في علمه لأن العلم جوهر ومادة مش شكل وطريقة.



دقن مصطفى حسني مش ح تخليك داعية شاب ومشهور، هو راجل ربنا وهبه كاريزما عشان دا رزقه.



شكل محمد صلاح ودقنه .. مش ح يخليك محمد صلاح لأن محمد صلاح هو تراكم جهد وتعب وطموح ولحظات صعبة وانكسار وانتصار على الهوى والنفس والشهوات.



لما تفتكر ان البهوية تكبر واحتقار للأقل منك في الدرجة ونظر من أعلى يبقا انت بتقول للناس أنا قليل لقى فرصة فاتشعبط؛ عشان يلتحق بشريحة هو شايف نفسه أقل منها.

البهوية مش كبر، البهوية سلوك محترم.



ربنا خلقنا درجات وفضل بعضنا على بعض لكن الأفضلية غير مطلقة، الأفضلية بالأدب.



أغنى واحد محتاج لأفقر واحد بطريقة ما، والفقير المستغنى محتاج حتما للغني المستكفي، كل واحد منا محتاج لأخيه، فيا ريت نحترم بعض كلنا من غير أمراض نفسية من الناحيتين.



الاقتداء بالنموذج الناجح شيء رائع، ولكن التقليد الشكلي للدعاة والفنانين والمشاهير ح يخليك حاجة تقليد !



ضع لنفسك هدفا، وحدد خطواتك في الوصول إليه، وحتما ستصل.